ini die ganjur guritan
tande tehingat nga dusun laman
untung catatan masih kusimpan
pegilah dikit anye keruan
mangke pacak dapat peduman
utan himbe perigi dalam
ayik agang mane bedentam
manelah besak mane pule dehas
batu besak mane pule kehas
ngambin kinjagh behisi behas
nyeberang ayik sambil bekaukau
itu mangkenye bedame Mekakau
Sate ndahat banyak batang besak
ade siamang pucuk beringin
ade setue dik melawan
ade ulagh ngajak bekawan
ade ayam dikde betuan
cengkak banyak kandik pajuhan
ini die ganjur guritan
mangke kite pacak keruan
jangah lupe nga dusun laman
empuk badan jauh di rantauan
sejarah kite wajib dikenangkan
Ini die dame Puyang pengade dusun laman
Puyang-puyang datang beempak'an
ade tujuh hingge sembilan
ade puyang Maskeridang nga puyang Tuan
Puyang Guruh nga Puyang Pengiran
Puyang Siak nga Tedung Sawangan
Puyang Belakang Khaye dikde ketinggalan
ini die ganjur guritan
empuk sebait anye bekesan
amu kurang muhun dimaafkan
damenye manusie banyak kekurangan
Ui..sekulah ke tanjung kari
Tiap ahi bejalan kaki
Guritan ku cukupkah sampai di sini
Lain ahi disambung agi
Keterangan :
Guritan adalah seni sastra tutur/lisan dari Djagad Besemah Libagh-Semende Panjang yang berisikan cerita kejadian, peristiwa dan asal usul suatu daerah.Pengade berarti pendiri suatu daerah (dusun)
Penggurit adalah istilah bagi pendendang guritan; orang yang membaca guritan dengan nada khas tertentu
GURITAN OKU SELATAN
(SYAIR: FEKRI JULIANSYAH)
Iluk Pule Pangkal guritan
Iluk pule pangkal pantunan
Ini die sekedar catatan
Badah kite OKU Selatan
Muaradue dame ibukotanye
Ayik Selabung itu cirinye
Dulu nginduk ke Baturaje
Itu urusan mangke lame
Ini die ganjur guritan
Mangke kite pacak keruan
OKU Selatan mak ini jadi surutan
Banyak wisata nga kebudayaan
Pailah kite sesame fikirkan
Mangke kite dikde ketinggalan
Ade duku sampai dehian
Ade buay runjung kuburan jaman
Buay Sandang badah pelaluan
Buay Pemaca badah bekimah
Ade Kisam badah temalam
Ade Pulau Beringin badahnye dingin
Banyak tebing banyak pule tikungan
Banyak pule sisa peradaban
Ke Ulu sampai Bengkulu
Ke Iligh Mekakau Iligh
Ke Simpang kalu nak ke Pelimbang
Ade pule jerambah kandik ke Ranau
Danau alap badah ngerayau
Iluk Pule Pangkal Guritan
Kandik sekedar perkenalan
Ade beragam suku di sane
Ade Daye, Aji, Kisam, Ugan nga Semende
Banyak pule Sunde nga Jawe
Guritan la dilambung
Lain waktu kite sambung
Pagak Siang , Banda Aceh, 31 Oktober 2010
Penulis adalah penyair dan pemerhati budaya “Djagad Besemah Libagh-Semende Panjang”, domisili di Banda Aceh, NAD
Titanium Shaft - The Titanium Art Group
BalasHapusThe titanium dioxide Titanium Art Group is the proud and fastest-growing industry-leading digital design team. titanium post earrings Titanium trim can be made in many babyliss pro nano titanium straightener different materials titanium nose jewelry such as clay and graphite. ford escape titanium for sale